Wachako Higa Manyien( English Translation at the End)

Wachako higa manyien
Ka jopinywa duto Kenya ka
Dwaro kendo gombo lokruok

Wachako higa manyien
Ka ji duto epinywa Kenya ni
Ywak ywak malit

Ji ywago kech
Ji ywago chandruok
Ji ywago negruok

Wachako higa manyien
Ka ji duto ma epinywa Kenya ni
Nyithindo gi jodongo
Mon gi chwo
Yawuoyi gi nyiri
Wachako higa manyien
Ka joKenya duto
Dwaro lokruok
JoKenya duto gombo lokruok
JoKenya duto dwaro kelo lokruok


Jaduong Moi chiegni weyo kom jatelo
Ni rawera mogwelo
Rawera mogeno kuom jolup ne
Jaduong Moi tugo gi wi jo Kenya duto
Otemo rundo wa mondo wapar
Ni loch en marwa ka Wuod Odongo Jachak
Osewuok ekom jatelo
Giko mar higa ni

Nyocha
Chieng wuok tich
Tarik apar gi aboro
Dwe mar adek
Nyocha waneno
Ka piny mangima
Yungni
Nyocha waneno
Ka piny mangima
Mbwakni
Nyocha waneno
Ka jopiny duto walo
Nikech
Chieng tudo arus nene osechopo
Chieng kendruok nosechopo
Chieng tudruok nosechopo
Chieng makruok nene osechopo

Tarik apar gi aboro
Dwe mar adek
Higa mar eluf ariyo go ariyo
Tarik apar gi aboro
Dwe mar adek
Chakore saa adek okinyi nyaka dier otieno
Tarik apar gi aboro
Dwe mar adek nyochani
Ne waneno gik ma gala gala
Chieng mane dhano tara gana
Ne opong epap
mar adhula gi ngwech Kasarani
Wuok tich makoro eka okalo no
Chiengno wan JoKenya duto
Ne waneno masira kindaki
Piny nene ogumo ni jopiny chieng no

Chiengno
Ne waneno jotelo mopogore opogore
E chokruok mar KANU gi NDP
Ne waneno
Wuod Odongo kolielo wiye gi wembe
Ne waneno Wuod Odongo komako ludhe
Ne waneno Wuod Odongo ka obet machiegni ahinya
Gi Agwambo owad gi Akinyi

Nyikwa Ramogi ne ofundore ei Akamba
Jonam ne owuok Winam gi nyamburko
Machamo maleny to ne ochikore gi ndege
Onagi ma ok kwanore nene omwagore
Nairobi City Kapango
Nyikwa Ramogi ne ochopo Kasarani
Ka giwer, gi miel, kendo gigoyo otenga gi othothorio

Ngeny nyikwa Ramogi mane ochopo Kasarani
Nobiro yworo thum mangongo
Ngeny Onagi mane otundo Kasarani
Nobiro pako jotelo mag KANU Manyien
Ngeny owete gi jimegewa moa Yala
Sega,Oyugis,Imbo, Siaya, Bondo,
Asembo, Seme,Kendu, Migori, Rusinga
Kod ngwenge kod kuonde moko ei Nyanza
Ngeny onagi mane onyumore Kasarani
Ngeny gi
Nobiro yiengo dendgi ka gi goyo otenga
Ne gibiro madho achwaka gi hadho ringo
Nikech nene gin welo moluongi
E chokruok, e thum gi miel
Mane oluwo kendruok gi riwruok
Mar KANU gi NDP


Joka Nyar Nam
Nyikwa Ramogi taragana nochopo Kasarani
Mondo ginee giwegi
Gi wange gi wegi
Ni en adiera kose miriambo
En adiera kose en lek
Ni Jatelo ma gihero kendo gigeno
Thuon Agwambo Owad gi Akinyi kombe laro
Nyikwa Ramogi gi Onagi mathoth
Ne dwaro neno gi wangegi kendo winjo gi ite gi
Ni Agwambo Owad gi Akinyi omayo
Kamotho ja Muranga kombe
Onagi mangeny ne dwaro ngeyo
Ni Agwambo Owad gi Akinyi Tinga Tinga
Ne osemayo Kamotho miluongo ni Josef
Kombe machon kaka jagoro mar KANU Manyien

Ne nitie jok moko mane omor malich
Mane inyalo paro ni neko nomako gi
Kata jajuok nene oirogi
Ne nitie mon gi chwo
Mane wer
Mane miel
Mane go sigala gala
Mane e omor ka rasihingwa
Mane kwiny ka pino
Mane twaro ka gi pako
Jotelo manyien mar KANU manyien

Joma no omer to no omer
Joma no oyieng to ne oyieng
Joma ne omor to ne omor

Deche tara gana notieki
Ka jotedo dwaro mogo
magi dwalo go kuon
Ok wanyalo kwano rwathe adi
Manene ogo piny
Ka iyango ringo ni welo mane olwong Kasarani

Nyikwa Ramogi
An bende an nyakwar Ramogi
An bende an Onagi kaka un duto
Nyikwa Ramogi
An kaka nyakwar Ramogi
Adwaro penjo un duto ma un Nyikwa Ramogi
Daher ka ngato achiel kende odwoka
Nyikwa Ramogi
Apenjo u niya:

Ango momiyo
Wamor kama
Ango momiyo
Wagoyo sigala gala
Ango momiyo
Wagoyo otenga
Ango momiyo
Wakidhore
Ka wamielo thum nyatiti
Ango momiyo
Wadunyore
Ka wamielo bund ohangla
Ango momiyo
Wandukore
Ka wamielo benga
Ango momiyo wachikore
Ka wamielo miend dodo

Nyikwa Ramogi
En Ango momiyo
Onagi mathoth
Paro ni
Kendruok
Kod tudruok
Ma owuok
E riwruok
Chokruok
Mar KANU gi NDP
Ango momiyo
Waparo ni
Nyasaye odwogo epiny
Ba odok kodwa e polo


En ango, nyikwa Ramogi
En ango
En ango mositomore
En ango nyithindwa yawa

En Ango ma omiyo
Nyikwa Ramogi
Paro
Ni wasechopo
E Kana Gweng Galilee
Kama ne Wuod Nyasaye onywolie

Nyikwa Ramogi
Ango ma omiyo
Waparo
Ni loch en marwa
Ango momiyo
Waparo
Ni Kenya en marwa kende

Nyikwa Ramogi
Umako dhoga
Nyikwa Ramogi
Ukwodo wiya
Nyikwa Ramogi
Wa we uru dwanyore e lela

An kaka nyakwar Ramogi
Ma podi ogeno kendo ohero
Kendo luwo ranyis mane
Jaramogi Oginga Odinga onyiso
Jo Kenya duto
An kaka nyakwar Ramogi
An daher penjo
Nyimege na duto
Adwapenjo
Owete na duto
Apenjo
Osiepe na kod jogwengwa duto

Penjo dwaro dwoko
Penjo dwaro dwoko
Penjo madwaro dwoko
En penjo ni
Nyisa ane gima nene otimore
Wuok tich tarik apar gi aboro
Dwe mar adek higa ni
Nyisa ane gima lich ahinya
Mane olokore epinywa ni
bang wuok tich tarik apar gi aboro

An
Onyango Oloo
Nyakwar Oloo
Wuod Kagola
An
Onyango Oloo
Ja Gem
Luanda Dudi
An
Onyango Oloo
Wuod Kenya
Pod ok aneno gima lich
Mabwogo ji mangeny kamano

Ema Omiyo
Apenjo kendo
Ango momiyo
Ngeny wa
Mbwakni oyuma oyuma kama
Ango momiyo
Ji mangeny kama
Nenore ka gimer
Kapod kata gibilo achwaka kata matin
Ango momiyo
Wanenore ka joma oserund
Gi jobilo ma gala gala
Ango momiyo
Wanenore ka joma wuoyo e lek
Ka waleko kawo loch giko mar higa ni

Apenjo u
Un Nyikwa Ramogi
Nyisa uru
Wachna uru
Pimna uru
Nyisa uru
Gimoro achiel kende
Mopogore
E piny Kenya
Chakore tudruok
Riwruok
Makruok
Chokruok mar
KANU gi NDP
Otiekore

Apenjo u jothurwa
Nyikwar Ramogi
Bende
Kech oserumo kose
Nyikwa Ramogi
Rawerni motieko skul
To pod go lam
Bende kiseyudo tich
Chakore wuok tich
Apenjo u jothurwa
Nyikwar Ramogi
Nengo mar rech gi nanga gi sabun gi kimbo
Bende nengo mag gik moko osedok chien
Chakore wuok tich mokadho no
Apenjo u jothurwa
Nyikwar Ramogi
Nyisauru
Bende yawa mathoth
Manyogore gi ayaki gi twoche mangeny ma ngeyogo
Bende yawa gi oseyudo thieth ma medo gi ngima
Chakore wuok tich mokadho no
Nyikwa Ramogi
Wachna ane uru yawa
Jokwoye, jomecho kod jomaricho
Marito maro gi kwaro e kor yo
Bende jokwoye gi jomecho gi
Bende pod gi dhi nyime gi timbe mag mafundu
Kose tinde gi wer e kwaya e Kanisni duto
Nikech nyoka gi kwo, owar gi
e nying nyarombo ma pok oketho
Chakore wuok tich mokalo no

Nyikwa Ramogi
Apenjo u duto nyithindwa
Kod jothurwa
Ere kaka waparo
Ni Onagi nyalo kawo
Loch e Kenya wa ni
Ka ok watudore
Gi Ogendni moko duto
Nyikwa Ramogi
Ere kaka wanyalo sudo nyime
Ka walingore e pier mongam
Miluongo ni KANU manyien

Nyikwa Ramogi
An an nyakwar Ramogi
Ok ochuno ni nyaka iyanya
Nikech awacho gik ma ok idwaro winjo

Nyikwa Ramogi
Jithindwa gi jothurwa
Nyimegena gi Owetena

Penjo dwaro dwoko
Penjo dwaro dwoko
Penjo dwaro dwoko….

Onyango Oloo
Adak E dala
Montreal
March 21, 2002


We have started a new year
When all our people in Kenya
Are looking for and yearning for
Change

We have started a new year
When all the people
In this Kenya of ours
Are lamenting bitterly

People are crying about hunger and starvation
People are bitter about misery
People are decrying the spate of murder and mayhem

We have started a new year
When all the people of Kenya
Children and old people
Women and men
Boys and girls
Are looking for and yearning for
Change


Mzee Moi is about to leave the presidency
To a hand-picked Young Turk
Mzee Moi is playing mind-games with all Kenyans
He is trying to confuse us
Make Luos think that they will grab power
When he Moi vacates his seat at the end of the year

The other day
On Monday
March 18th
The other day
We saw the whole country
Convulsing and shaking
The other day
We saw people talking
All over the place
Because
The much awaited wedding day
Had arrived
The marriage day was here
The merger was happening
March 18th, 2002
March 18th, 2002
From nine in the morning until late in the night
March 18th, 2002
We saw scenes of wonderment
A day when thousands of delegates
Filled the soccer and athletics stadium of Kasarani……